​Shenjat kryesore e faktorët që rrisin rrezikun e kancerit të gjirit te burrat

Këshilla mjekësore

​Shenjat kryesore e faktorët që rrisin rrezikun e kancerit të gjirit te burrat

Më: 25 tetor 2020 Në ora: 08:25
Foto ilustrim

Ndonëse burrat nuk kanë gjinj si gratë, ata kanë një sasi të vogël të indeve të gjirit.

Gjinjtë e një burri të rritur janë të ngjashme me gjinjtë e një vajze para pubertetit.

Tek vajzat, ky ind rritet dhe zhvillohet, por te burrat, jo. Por duke qenë se është ende ind gjiri, burrat mund të preken nga kanceri i gjirit.

Më parë, mjekët mendonin se kanceri i gjirit te burrat ishte më i rëndë sesa te gratë, por studimet kanë treguar se është njëjta gjë.

Problemi kryesor është se kanceri i gjirit tek burrat shpesh diagnostikohet më vonë sesa kanceri i gjirit tek gratë. Kjo mund të jetë për shkak se burrat kanë më pak të ngjarë të dyshojnë për diçka të çuditshme në zonën e gjinjve.

Cilët burra kanë më shumë gjasa të kenë kancer të gjirit?

Është e rrallë që një burrë nën moshën 35-vjeçare të diagnostikohet me kancer gjiri. Mundësitë për kancer rriten me rritjen e moshës. Zakonisht burrat diagnostikohen me kancer gjiri në moshën 60 dhe 70 vjeç.

Faktorë që mund të rrisin shanset për të patur kancer gjiri:

– kanceri i gjirit te një e afërme femër;

– histori ekspozimi të gjoksit ndaj rrezatimit;

– zgjerimi i gjinjve nga trajtimi me ilaçe ose hormone, apo injeksione dhe helme;

– marrja e estrogjenit;

– një gjendje e rrallë gjenetike e quajtur sindroma Klinefelter;

– sëmundje e mëlçisë;

– sëmundje të testikujve;

– mbipesha.

Simptomat

Simptomat e kancerit të gjirit tek burrat janë të ngjashme me ato te gratë. Shumica e kancereve të gjirit diagnostikohen kur një burrë zbulon një gungë në gjoksin e tij.

Disa shenja të zakonshme:

– gjëndër apo kokërr në gji ose nën sqetull;

– ndryshim në formë ose në madhësi të gjirit;

– ndryshim në lëkurën e gjinjve tuaj, si gropëza ose tërheqje;

– skuqje, ënjtje te gjinjtë, përreth tyre apo nën sqetull;

– rrjedhje lëngu nga thithka e gjirit;

– kore ose luspa në thithkën e gjirit;

– puçrra të imta në majë të gjirit apo përreth tij;

– dhimbje e vazhdueshme në një pjesë të gjirit ose nën sqetull.

commentFirst article
Sot mund të lexoni Shfletoni kopertinat