Sipas Organizatës Botërore të Shëndetësisë, vetëm 4.3 për qind e njerëzve në Japoni janë mbipeshë, ndërsa në vendet perëndimore shifra është rreth 30 për qind.
Shkencëtarët nga Universiteti Doshisha në Kioto besojnë se sekreti i hollësisë japoneze qëndron te orizi. Duke analizuar të dhënat për dietën dhe mënyrën e jetesës në 136 vende, ata zbuluan se ka shumë më pak njerëz të trashë në vendet ku orizi është ndër ushqimet kryesore dhe mesatarisht 150 gramë oriz hahet për frymë.
Rritja e orizit kërkon shumë ujë dhe punë njerëzore. Prodhimi vjetor i orizit në botë është rreth 600 milionë ton. Prodhuesit kryesorë janë Kina, India dhe Indonezia.
Orizi përmban proteina, karbohidrate, fibra dietike, yndyra. Të dhënat nga studime të ndryshme thonë se deri në 96 për qind e përbërësve në kokrrat e orizit mund të përdoren në trup dhe nuk e rëndon sistemin tretës. Orizi përmban vitamina B, të cilat janë shumë të dobishme për të ruajtur një florë të shëndetshme të zorrëve.
Orizi haset në forma të panumërta me një gamë të gjerë aplikimesh - e gjejmë në pjatat e nxehta dhe të ftohta, supat, zierjet, sallatat, pjatat e mishit, kërpudhat, peshqit. Është gjithashtu shumë i rëndësishëm në ushqimin e fëmijëve. Rëndësia e veçantë e orizit është se nuk përmban gluten.
