Të përzierat tuaja zgjasin një kohë të gjatë, janë shumë intensive dhe ju pengojnë jetën normale?
Ndonjëherë të përzierat mund të jenë më serioze se ‘dukuria normale’ në fillim të shtatzënisë.
Shikoni për çka është fjala…
Të përzierat e mëngjesit janë një ndër pjesët plotësisht normale të shtatzënisë. Kur shfaqen të përzierat, përkeqësojnë çdo gjë, por shumë shpesh edhe ju frikësojnë.
Shumica e shtatzënave pyesin a mund të jetë problem nëse të përzierat janë shumë të shpeshta dhe zgjasin shumë.
Po, ndonjëherë të përzierat e mëngjesit vërtet mund të jenë simptomë e diçkaje më serioze, gjë që mund ta anashkalojnë mjekët, sepse të përzierat përgjithësisht janë të shpeshta dhe janë dukuri normale.
Hyperemesis Gravidarum është gjendje e rrallë, e cila shfaqet te vetëm 3 për qind e shtatzënave, ndërsa e karakterizojnë të përzierat intensive, të cilat nuk kalojnë me tremujorin e parë.
Të vjellat shpesh ndodhin, dhe pasojë është dehidrimi. Kjo gjendje mund të zgjasë gjatë gjithë shtatzënisë, dhe në shumë raste kërkon edhe shtrimin në spital, në mënyrë që gruaja shtatzënë të plotësojë sasinë e lëngjeve dhe lëndëve ushqyese.
Terapia e duhur është e rëndësishme për të parandaluar lindjen e parakohshme.
Problemi është se mjekët shumë shpesh nuk mund ta njohin këtë gjendje, sepse gjithçka duket thjesht e vjella ‘normale’ e intensifikuar. Shumë gra shtatzëna në këto momente ndihen keq, të hutuara, por edhe të vetmuara. Ato janë të vetëdijshme se diçka nuk është mirë, ndërsa nuk mund ta ndryshojnë atë.
Si trajtohet kjo gjendje?
Në parim, kjo nuk mund të zgjidhet plotësisht. Nuk ka një kurë magjike që do të eliminojë tërësisht të përzierat, por në një numër të madh rastesh, me hidratim dhe ushqyerje intravenoze, si dhe me plotësimin e duhur, të vjellat ndalen dhe gruaja shtatzënë mund të vazhdojë jetën e saj normale. Sidoqoftë, ajo duhet t’i përmbahet një diete të caktuar dhe të pushojë mjaftueshëm. Në disa raste të rënda, ilaçet mund të kontrollojnë të përzierat.
Meqenëse shkaku i të vjellave të tepërta ende nuk njihet qartë, është e rëndësishme të jeni të vetëdijshëm që ekziston. Një diagnozë e përshtatshme mund të ndihmojë nënën e ardhshme të qetësohet shumë, por gjithashtu mund të kthejë jetën e saj në të paktën disa normale.
Pra, nëse sëmundja juaj e mëngjesit bëhet shumë më e fortë dhe më e zgjatur seç duhet, ju nuk jeni duke dramatizuar. Kërkoni ndihmë për t’u trajtuar më mirë gjatë shtatzënësisë.
