Ngjyrat e urinës: Cila është normale dhe kur duhet të shqetësoheni

Këshilla mjekësore

Ngjyrat e urinës: Cila është normale dhe kur duhet të shqetësoheni

Më: 7 qershor 2021 Në ora: 21:04
Foto ilustrim

Ngjyra standarde e urinës quhet nga mjekët "urokrom". Urina natyrshëm mbart një pigment të verdhë. Kur jeni të hidratuar, urina do të jetë në një ngjyrë të verdhë të çelët.

Nëse dehidroheni, do të vini re se urina do të bëhet më e errët, ndoshta edhe kafe. Pigmente të ndryshme në ushqimin që hani ose ilaçet që merrni mund të barten përmes traktit të tretjes dhe të ndryshojnë ngjyrën e urinës. Ndonjëherë ngjyra e urinës mund të jetë një shenjë e një gjendjeje shëndetësore që duhet të adresohet.

Urina e pastër (pa ngjyrë, ose me pak ngjyrë)

Urina e pastër tregon se jeni duke pirë më shumë sesa sasia ditore e rekomanduar e ujit. Urina që herë pas here duket e pastër nuk është arsye për panik, por urina që është gjithmonë e pastër mund të tregojë se duhet të pakësoni sasinë e ujit që pini.

E verdhë në qelibar

Ngjyra e urinës "tipike" është pak a shumë e verdhë në qelibar. Pigmenti urokrom që është natyrshëm në urinë hollohet teksa pini më shumë ujë.

Rozë ose e kuqe

Urina mund të duket e kuqe ose rozë nëse hani fruta me pigmente natyrisht të thellë rozë ose të purpurt, të tilla si panxhar ose boronica.

Disa gjendje shëndetësore mund të shkaktojnë shfaqjen e gjakut në urinë, një simptomë e njohur si hematuria, duke përfshirë:
- prostata e zmadhuar
- gurët në veshka
- tumoret në fshikëz dhe veshkë

Portokalli

Nëse urina duket portokalli, mund të jetë një simptomë e dehidrimit. Nuk përkashtohen problemet me mëlçinë. Verdhëza te të rriturit mund të shkaktojë urinë portokalli.

Blu ose jeshile

Urina blu ose jeshile mund të shkaktohet nga ngjyrosja e ushqimit. Mund të jetë gjithashtu rezultat i ngjyrave të përdorura në testet mjekësore të kryera në veshka ose fshikëzën tuaj.

Infeksioni bakterial “pseudomonas aeruginosa” gjithashtu mund të shkaktojë që urina të bëhet blu, jeshile, apo edhe vjollcë. Në përgjithësi, urina blu është e rrallë dhe ka shumë të ngjarë të lidhet me diçka në dietën tuaj.

Kafe e errët

Në shumicën e rasteve, urina që ka ngjyrë kafe të errët tregon dehidrim. Urina me ngjyrë kafe të errët mund të jetë gjithashtu një efekt anësor i disa ilaçeve, duke përfshirë metronidazolin dhe klorokinën. Një gjendje e quajtur porfiri mund të shkaktojë grumbullim të kimikateve natyrore në rrjedhën e gjakut dhe të shkaktojë urinë kafe.

Urina me ngjyrë kafe të errët mund të jetë gjithashtu një tregues i sëmundjes së mëlçisë, pasi mund të shkaktohet nga futja e tëmthit në urinë.

Në ngjyrë qumështi

Urina me këtë ngjyrë mund të jetë një shenjë e një infeksioni të traktit urinar. Mund të jetë gjithashtu një simptomë e disa sëmundjeve kronike dhe gjendjeve të veshkave.

Urina me shkumë ose flluska mund të jetë një simptomë e kushteve serioze shëndetësore, duke përfshirë sëmundjen e Crohn.

commentFirst article
Sot mund të lexoni Shfletoni kopertinat