Alergjia është kaq e sikletshme, por vetëm njerëzit që e përjetojnë mund ta kuptojnë realisht si është. Për dikë me alergji, edhe diçka e vogël mund të shkaktojë probleme të mëdha. Në dukje të padëmshme, grimcat e pluhurit, pezmatimi nga një mace, apo një fllad i polenit të luleve mund të çojë në simptoma alergjish.
Me siguri pyesni veten pse trupi i njeriut reagon në mënyrë të tillë? Pse pikërisht ti je alergjik dhe shoqja jote jo? Pse keni apo nuk keni tështima? Pse hundët apo sytë ju mbyshen me lot? Në thelb, një alergji është reagim i trupit ndaj një kërcënimi të keqinterpretuar, diçka që është zakonisht e parrezikshme.
Kur ju ekspozoheni ndaj një alergjeni, trupi i përgjigjet duke u përpjekur ta bllokojë atë. Në disa njerëz, këto substanca të padëmshme mund të shkaktojnë një përgjigje imune në trup për të shpëtuar këtë të fundit nga këta "pushtues". Trupi prodhon një antitrup të quajtur IgE (imunoglobulina E), e cila ngjitet tek qelizat e quajtura mast. Kjo shkakton lirimin e substancave të ndryshme, duke përfshirë histaminën, e cilat shkakton simptoma alergjie.
Është mirë të dini se sistemi juaj imunitar punon aq shumë për t’ju mbrojtur, por për ata me alergji sezonale ose gjatë gjithë vitit, kjo mbrojtje zakonisht çon në inflamacion. Është pikërisht përgjigjia inflamatore që shkakton atë ndjenjën e çuditshme dhe nevojën për të teshtirë. Sytë tuaj mund të kalojnë në pozicion mbrojtës gjithashtu duke krijuar lotët dhe enët e gjakut mund të bymehet dhe t’ju jap pamjen si të fryrë, sy të kuq apo shenja të tjera tipike të alergjisë.
