Mot i ftohtë, mundësi për borë - Bota Sot
Mot i ftohtë, mundësi për borë

Kosova

Mot i ftohtë, mundësi për borë

Më: 25 dhjetor 2018 Në ora: 06:58
Ilustrim

Në fillim të javës me shi, nga e marta më ftohtë, mundësi edhe për borë

Pas motit të butë që mbizotëroi në fundjavë, me temperatura maksimale që vende-vende arritën edhe në 13C deri 15C, në fillim të javës pritet të depërtojë nga veriu i kontnentit, një front i ftohtë që do të sjellë vranësira, erëra të fuqishme dhe të reshura, që ditën e hënë do të fillojnë me shi, e më vonë gjatë natës dhe nga dita e martë me mundësi edhe për reshje bore. Nga dita e martë, po ashtu pritet të mbajë mot më i ftohtë.

Në pjesën e dytë të javës fushat e presionit të lartë që do të shtrihen mbi rajon, do të kushtëzojnë mot më stabil me kthjellime, por me ngrica në orët e mëngjesit.

Me afrimin e frontit të ftohtë në fillim të javës, parashihen të fryjnë edhe erëra të fuqishme që do të ndikojë në përmirësimin e cilësisë së ajrit dhe shpërndarjen e ndotësve, ku vlerat e indeksit të kualitetit të ajrit do të zbresin në vlera normale, ndërsa ditën e martë pritet të zbresin edhe në të mira.

25.12 - Mot më i ftohtë dhe pjesërisht i vranët. Kohë pas kohe mundësi për reshje lokale bore, kryesisht në mëngjes dhe pasdite vonë.

26.12 - Mot i ftohtë, kryesisht me vranësira. Kohë pas kohe mundësi për reshje të dobëta bore.

27.12-28.12 - Të enjten në mëngjes ngrica, gjatë ditës mot kryesisht me diell. Edhe ditën e premte në mëngjes ngrica, e gjatë ditës mot pjesërisht i vranët.

Image

Temperaturat do të pësojnë rënie të theksuar. Minimalet do të zbresin nga +2C në -5C, e maksimalet nga 12C, sa pritet të shënojnë të hënën, do të zbresin deri në 0C ditën e martë.

Sipas Prishtina Weather, do të fryjë erë mesatarisht e fuqishme dhe fuqishme nga jugperëndimi dhe veriu 5-15 m/s. 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...