Aksion i gjerë i Policisë në Llap, arrestohet një i kërkuar - Bota Sot
Aksion i gjerë i Policisë në Llap, arrestohet një i kërkuar

Kosova

Aksion i gjerë i Policisë në Llap, arrestohet një i kërkuar

Më: 29 dhjetor 2018 Në ora: 13:06
Laborator për kultivim të narkotikëve

Drejtoria Rajonle e Policisë në Prishtinë, respektivisht njësiti për Hetime të Përgjithshme dhe njësite të specializuara, kanë realizuar një operacion që ka rezultuar me arrestimin e një personi të dyshuar.

Operacioni është zhvilluar në dy lokacione në fshatin Bardhosh të Prishtinës dhe fshatin Dyz të Podujevës.

“Në fshatin Bardhosh është arrestuar i dyshuari P.Bajoku i cili ka qenë i kërkuar për dy vepra, vrasje e rëndë në tentativë dhe keqpërdorim seksual i personit nën moshën 16 vjecare” , tha zëdhënësja e Policisë, Flora Ahmeti .

Sipas saj, në Bardhosh është konfiskuar edhe një automjet i tipit Opel Corsa, që ka qenë pronë e të dyshuarit.

Përvec arrestimit, Policia ka hasur edhe në një laborator për kultivimin e bimëve narkotike në shtëpinë e të dyshuarit.

“Pjesë e operacionit ka qenë edhe bastisja e shtepisë së të dyshuarit në fshatin Dyz, ku është gjetur një laborator i modifikuar që dyshohet se është përgatit për kultivimin e bimëve narkotike – kanabisit. Personi i dyshuar është dërguar në qendrën e mbajtjes për 48 orë, ndërkohë që hetuesit po kryejn veprimet e nevojshme para se rasti t’i kaloj Gjykatës”, tha për kallxo zëdhënësja Ahmeti.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...