Megjithëse është një problem me të cilin qytetarët po përballen tash e sa kohë, ajri në Prishtinë edhe në mbrëmjen e parë të vitit 2019 po cilësohet të jetë i pashëndetshëm.
Sipas matësve të ambasadës së Shteteve të Bashkuara të Amerikës, indeksi i cilësisë së ajrit për momentin në Prishtinë është 167.
Ajri në këtë gjendje cilësohet si i pashëndetshëm sidomos për grupet e personave të ndjeshëm.
Këtu hyjnë fëmijët, pleqtë dhe ata që kanë sëmundje me frymëmarrje. Për këta persona rekomandohet që të evitojnë daljet jashtë.
