Kjo është gjendja e rrugëve në Kosovë, mos kaloni në këtë aks rrugor

Kosova

Kjo është gjendja e rrugëve në Kosovë, mos kaloni në këtë aks rrugor

Më: 10 janar 2019 Në ora: 10:36
Ilustrim

Reshjet të dendura të borës po vazhdojnë të bien në gjithë territorin e Kosovës.

Kryeqyteti është bllokuar nga bora dhe rrugët janë në kaos, Komuna e Prishtinës dhe kompanitë që janë përgjegjëse për pastrimin e rrugëve nuk po ja dalin t’i pastrojnë ato në kohë reale.

Mirëpo sesi është gjendja e rrugëve në nivel vendi, lajmi ka kontaktuar me zëvendësministrin e Infrastrukturës, Rexhep Kadriu.

Sipas Kadriut të gjitha rrugët janë të kalueshme dhe kompanitë kanë pastruar tërë natën, ai tha se asnjë rrugë nacionale dhe regjionale që është në kompetencë të ministrisë nuk është e bllokuar.

“Nga mëngjesi të gjitha kompanitë janë në terën, tërë natën kanë kujdestaruar dhe gjendja e rrugëve momentalisht edhe pse reshjet janë me intensitet të lartë, të gjitha rrugët në nivel vendi janë të kalueshme”, deklaroi ai.

Ai tregoi edhe për aksin rrugorë, i cili është në gjendje më të rëndë dhe vështirë i kalueshëm ku tha:

“Vështirësi kemi në aksin rrugor Elez Han – Prishtinë, për  shkak të reshjeve të mëdha që momentalisht janë në atë lokacion qarkullimi po zhvillohet me vështirësi, por nuk ka ndërprerje të komunikacionit”, është shprehu ai. 

commentFirst article
Sot mund të lexoni Shfletoni kopertinat