Kryetari i LDK-së, Isa Mustafa ka njoftuar se ka ndërruar jetë veprimtari i shquar i LDK-së, Adem Rasim Llumnica, i cili ishte kryetar i nëndegës së LDK-së në Barilevë të Prishtinës, përcjellë "Bota sot".
Mustafa në emër të LDK-së shpreh ngushëllime familjes Llumnica.
Postimi i plotë i Isa Mustafës:
Të dashur miq dhe veprimtarë të LDK-së
Sot morëm një lajm të hidhur se ndërroi jetë Adem Rasim Llumnica, veprimtar i shquar i Lidhjes Demokratike të Kosovës, Kryetar i Nëndegës së LDK-së në Barilevë të Prishtinës.
Ademi ishte aktivist i LDK-së që nga fillimi, njeri punëtor, komunikativ, i përkushtuar për LDK-në dhe për Kosovën. Ishte punëtor shumëvjeçar i QKUK-së.
Me vdekjen e Ademit, LDK humbi një aktivist të mrekullueshëm, por kontributi i tij do të jetë trashëgimi për brezat e ardhshme.
Në emër të LDK-së i shprehi ngushëllime familjes Llumnica, Nëndegës së LDK-së në Barileve dhe Degës së Parë të LDK-së në Prishtinë.