Zëvendëskryeministri i Kosovës, Enver Hoxhaj, ka reaguar pas vizitës së presidentit rus, Vladimir Putin, në Serbi.
Zëvendëskryeministri i Kosovës, Enver Hoxhaj përmes një reagimi në rrjetin social Twitter ka thënë se glorifikimi që i bëri Serbia sot presidentit të Rusisë, Vladimir Putin dhe agjendës së tij anti-perëndimore nuk është gjë tjetër veçse fytyra e vërtetë anti-evropiane e Serbisë.
Hoxhaj tha se ngjarjet e sotme tregojnë se Serbia renditet me forca autoritare që duan ta pengojnë demokratizimin dhe integrimin euro-atlantik të Ballkanit.
“Glorifikimi i sotëm i Putinit dhe agjendës së tij anti-perëndimore ka zbuluar edhe njëherë fytyrën e vërtetë anti-evropiane të Serbisë, dhe renditjen e saj me forca autoritar që duan ta pengojnë demokratizimin e plotë dhe integrimin euro-atlantik të Ballkanit”, ka shkruar Hoxhaj.
