Në emisionin “Pressing”, në televizionin T7, po diskutohet për grevën e Sindikatës së Bashkuar të Arsimit, Shkencës dhe Kulturës, e cila po e sfidon vendin.
Rexhep Sadiku, përfaqësues i SBASHK’ut, ka thënë se mësimdhënësit në vend s’po kërkojnë rritje pagash, por rritje të koeficientit në Ligjin për pagat.
“Ligji për pagat s’është hartuar për t’i kënaqur mësimdhënësit”, është shprehur Sadiku. “Por, për ta kënaqur kastën politike”, ka shtuar ai.
“Ne po kërkojmë dinjitet. Ta ruajmë etikën. Të ngjitemi jo ku janë të tjerët, por të ngjitemi mes 2-shit dhe 3-shit të koeficienteve”, ka deklaruar Sadiku.
“Jemi të anashkaluar. Kjo është revolta. Po e ndiejmë veten të fyer”, ka thënë ai.
