Edhe opinionisti Nehat Hyseni, ka ngushëlluar familjen e akademik Nexhat Dacit, për humbjen e djalit nga orteku i borës sot në Brezovicë.
Hyseni ka thënë se është lajm i trishtueshëm dhe prekës ikja e parakohshme e Arianit.
Reagimi i plotë i Hysenit:
E nderuara familje Daci,
Lajmi i trishtueshëm për ngjarjen tragjike dhe ikjen e parakohëshme nga jeta të djalit Tuaj të dashur, Arian Nexhat Daci, na preku thellë të gjithë neve shqiptarve nga Lugina e Preshevës që jetojmë dhe veprojmë në Kosovë.
Ju lusim t’i pranoni ngushëllimet tona më të sinqerta dhe ju sigurojmë se këtë dhëmbje të madhe e ndajmë me Ju.
Zoti i Madhëruar e shpërbleftë Arianin me të gjitha të mirat në xhenet!