Besarta Jashari: Pas luftimeve, serbët më morën dhe më pyetën shqip nëse Ademi dhe Hamëza janë gjallë - Bota Sot
Besarta Jashari: Pas luftimeve, serbët më morën dhe më pyetën shqip nëse Ademi dhe Hamëza janë gjallë

Kosova

Besarta Jashari: Pas luftimeve, serbët më morën dhe më pyetën shqip nëse Ademi dhe Hamëza janë gjallë

Më: 27 janar 2019 Në ora: 00:05
Adem dhe Hamzë Jashari

Vajza e heroit të kombit Hamëz Jashari, Besarta, në emisionin “Personale” në RTV Dukagjini ka rrëfyer bisedën që ajo ka pasur me ushtrinë serbe pasi ata e kishin marrë atë.

Pasi i kishin vrarë të gjithë anëtarët e familjes, serbët kishin vërejtur se Basarta kishte mbijetuar dhe e kishin marrë atë me vete për të nxjerrë informacione të reja për familjen e saj.

“Edhe në shtëpi edhe në fabrikën e municioneve ku më dërguan më pas, më kanë pyetur vazhdimisht për bacën Adem dhe babin se a janë gjallë ata. Pyetjet mi kanë bërë në gjuhën shqipe”.

Pjesëtarja e Familjes Jashari tregon se ajo asnjëherë nuk u kishte treguar të vërtetën serbëve dhe u kishte thënë se ata kanë ikur dhe se nuk ishin vrarë në atë luftë.

“Mua më erdhi një ide duke u thënë se baçi Adem dhe babi kanë shkuar moti në Gjermani te pjesa tjetër e familjes”, tha Besarta.

Ajo tregon më tej se pas një dite, serbët atë e kishin lënë të lirë bashkë me një familje tjetër që e kishin marrë peng.

“Na kanë lëshuar në rrugë bashkë më një familje tjetër dhe na kanë thënë se mund të largoheni”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...