Në fshatin Shkozë të Malishevës, është sulmuar nga qentë endacak 16 vjeçari A.B.
Pas plagëve të marra, i riu është dërguar në Emergjencën në QKMF “Shpëtim Robaj”, për të marrë ndihmën mjekësore.
Media ka kontaktuar me doktorin Nuhi Morina, nga Qendra Kryesore e Mjekësisë Familjare – QKMF, në Malishevë, i cili e ka konfirmuar rastin, dhe sipas tij të lënduarit A. B iu është dhënë udhëzimi për në Klinikën Infektive.
“Është bërë fashimi i plagëve të marra. Gjithashtu i është ofruar udhëzimi për në Klinikën Infektive”, ka përfunduar Morina.
Në anën tjetër, Drejtori i Drejtorisë së Shëndetësisë dhe Mirëqenies Sociale në Komunën e Malishevës, Liridon Hoti, ka thënë se Komuna e Malishevës trajtimin e qenve endacak po e bën edhe përmes vaksinimit.
“Më herët, qentë endacak janë trajtuar në mënyra të tjera, të cilat tani janë të ndaluara me ligj. Komuna e Malishevës, trajtimin e qenve endacak e bën në mënyra të tjera si vaksinimi apo procedurat e tjera”, ka përfunduar Hoti.
