Ka ndërruar jetë para pak minutash pas një sëmundje të shkurtër mjeshtri i letrave dhe doajeni i gazetarisë shqiptare Hivzi Krasniqi, i cili ka qenë gazetar i gazetës "Bota sot", para, gjatë dhe pas luftës, deri në fund të vitit 2000.
I ndjeri Hivzi Krasniqi ka ndërruar jetë pranë familjes së tij në Prishtinë ndërsa që lamtumira e fundit do ti ipet nesër në Pejë.
Hivzi Krasniqi njihet si autor i mëse njëmijë tekstesh hite të këngëve shqip, dhe si ndër pionierët e parë radiogazetarisë, i angazhuar në Radio Prishtinën e dikurshme që nga ditët e para të karrierës së tij.
Një kohë ka punuar edhe si kryeredaktor i Radio Dukagjinit.
Ditë më parë Krasniqi ishte operuar nga një aortë e këmbës.