Ushtarja e Kosovës tregon si fitoi në Gjermani me palosjen e bluzës për dy sekonda
Për nder të përvjetorit të 11-të të Pavarësisë së Kosovës, në emisionin “TALK” në KTV të ftuara ishin dy ushtare të Kosovës, rreshtere Ermira Statovci dhe tetare Donjeta Krasniqi.
Ato kanë rrëfyer për prezantimet jashtë vendit, përgatitjet, emocionet dhe pjesëmarrjen e Ushtrisë së Kosovës në trajnime në mesin e ushtrive nga e mbarë bota.
Madje, Statovci tregon për pjesëmarrjen në një trajnim në Gjermani. Sipas saj, të gjithë kishin menduar se ajo do të dështojë në prezantimin e Kosovës, por ajo kishte arritur të bindë rreshterin dhe tema e saj për palosjen e bluzës për dy sekonda ishte fituesja.
