Kryetari i komunës, Agim Bahtiri, i shoqëruar nga drejtori i Arsimit, Iset Beka, sot kanë pritur në takim menaxherin e Projektit në Organizatën Play International Kosovo, z. Filippo Vigani, me ç'rast kanë nënshkruar një marrëveshje bashkëpunimi për realizimin e projektit Balcan Change.
Qëllimi i këtij projekti është të kontribuojë në procesin e pajtimit në rajonin e Ballkanit duke ndërtuar kapacitetin e të rinjve për t’u angazhuar në aktivitetet e ndërtimit të paqes dhe për të evokuar për dialogun ndërkulturor në komunitete e tyre.
Fillimisht menaxheri i Projektit në Organizatën Play International Kosovo z. Filippo Vigani, njoftoi rreth projektit ku do të jenë pjesë një ekip i Vullnetarëve nga Mitrovica që do të jenë zbatues të këtij projekti përmes një fushate avokimi duke zhvilluar aktivitete sportive nën drejtimin e ekspertëve të PLAY International.
Ai po ashtu theksoi se qëllimi i vetëm i zhvillimit të këtyre aktiviteteve është ndryshimi i perceptimeve të komuniteteve që jetojnë në të njëjtin qytet, në mënyrë që të krijohet një shoqëri më miqësore dhe gjithëpërfshirëse.
Ndërsa kryetari i komunës, Agim Bahtiri, falënderoi të pranishmit për iniciativën e ndërmarrë duke thënë se është i gatshëm tu ndihmoj dhe të bashkëpunoj me ta në të mirë të të rinjve tanë.
Kryetari Bahtiri tha se komuna jonë do tu ofroj mbështetje në organizimin e këtyre aktiviteteve sepse ne dëshirojmë të shohim promovimin e aktiviteteve përfshirëse si një shtyllë për Komunën dhe këto aktivitete tregojnë se sporti mund të ndihmojë si një mjet edukativ për të promovuar këto vlera
