Kanë kaluar njëzet vite prej se ka përfunduar lufta në Kosovë. Por, pavarësisht se u shkaktuan shumë krime e tortura edhe pas tërë këtyre viteve ende nuk janë zbardhur.
Një nga plagët më të rënda të shumë kosovarëve janë të pagjeturit.
Numri i tyre shkon në afër 1700, e për ta shteti serb nuk tregon se ku ndodhen.
Pos kësaj Serbia, nuk ka dhënë llogari as për shumë viktima të dhunës seksuale e dëme të tjera që ka shkaktuar gjatë luftës në Kosovë.
E të gjitha këto krime janë futur në Platformën e Kosovës, për bisedimet me Serbinë.
Bile pala kosovare ka paraparë që në bazë të një ujdie finale, të krijohet edhe një Tribunal që do ti trajtojë krimet e pazbardhura deri me tani.
Por, një gjë e tillë është duket se do të jetë shumë e vështirë të ndodh.
Këtë skepticizëm e shprehin edhe në Fondin për të Drejtën Humanitare, që merret me Krimet e Luftës.
Në anën tjetër Bajram Qerkini nga Qendra Burimore për Persona të Zhdukur, mendon se themelimi i një institucioni të tillë do i ndihmonte zbardhjes së krimeve të kryera gjatë luftës.
Ndërkohë në korridorin kryesor të Kuvendit të Kosovës, hollin ku kalojnë çdo ditë deputetët është hapur një ekspozitë që shfaq vuajtjen e familjeve nga ushtria serbe.
Për secilin të zhdukur është një çelës në tavanin e këtij institucioni legjislativ.