(E plotësuar) - Mijëra qytetarë u dhanë lamtumirën e fundit tre anëtarëve të familjes Sope, që humbën jetën dje në një aksident tragjik në Zhur të Prizrenit.
Viktimat u varrosën pranë njëri-tjetrit në varrezat e fshatit Zhur.
Kujtojmë se për nder të tyre sot Prizreni është në ditë zie.
***
Ditën e djeshme një aksident i rëndë trafiku u mori jetën tre anëtarëve të familjes Sope nga fshati Zhur i Prizrenit.
Plagët e rënda ishin të papërballueshme për babain dhe dy djemtë e tij.
E për tu dhënë lamtumirën e fundit, janë mbledhur një numër i madh i miqëve e familjrëve.
Ramiz Sope ishte 50 vjeç, djali i tij Behar Sope 24 vjeç si dhe Lumbardh Sope 22 vjeç.
