Kryetari i Komunës së Suharekës, Bali Muharremaj, përmes një postimi në Facebook ka bërë të ditur se, së bashku me Humanistin Halil Kastrati kanë nëshkruar një marrëveshje për bashkëfinancimin e 15 shtëpive për familjet në nevojë, ku për ndërtimin e këtyre shtëpive Komuna e Suharekës financon me 50.000 euro, ndërsa pjesën tjetër e financon Shoqata “Jetimat e Ballkanit”, përcjellë "Bota Sot".
Postimi i plotë:
15 shtëpi të tjera do të ndërtohen për familjet në nevojë, në Komunën e Suharekës në vitin 2019.
Me Humanistin Halil Kastrati sot nënshkruam marrëveshjen e bashkëfinancimit, për ndërtimin e këtyre shtëpive ku Komuna e Suharekës financon me 50.000 euro, ndërsa pjesën tjetër e financon Shoqata “Jetimat e Ballkanit”.
Ky lajm i jashtëzakonshëm është më se i mirëpritur për qytetarët tanë.
Kjo na i gëzon zemrat dhe na jep motiv të punojmë më shumë.
Bali Muharremaj