Kryetari i Komunës së Skenderajt, Bekim Jashari, ka njoftuar se nëpërmjet këngëve dhe valleve në përmbyllje të Manifestimit të Epopesë së Ushtrisë Çlirimtare të Kosovës, me Natën e Zjarreve, është nderuar komandant Adem Jashari.
Jashari tha se i falënderon të gjithë shqiptarët të cilët e vizituan këto ditë Prekazin.
“Në përmbyllje të Manifestimit të Epopesë së Ushtrisë Çlirimtare të Kosovës, me Natën e Zjarreve në vendin ku ka rrënjë liria dhe pavarësia e vendit – në Prekazin e shqiptarisë, dhe me koncertin ku edhe nëpërmjet këngës e valleve nga këngëtarët e mirënjohur të estradës shqiptare, u nderua Komandanti Legjendar Adem Jashari dhe Familja Jashari, në 21 vjetorin e rënies heroike në altarin e lirisë, më lejoni të shpreh falënderimet më të sinqerta për të gjithë shqiptarët që vizituan këto ditë Prekazin dhe Skenderajn”, ka thënë Jasharaj në rrjetin social Facebook.