SBASHK: Sot nuk u mbajt mësimi në shumicën e shkollave - Bota Sot
SBASHK: Sot nuk u mbajt mësimi në shumicën e shkollave

Kosova

SBASHK: Sot nuk u mbajt mësimi në shumicën e shkollave

Më: 9 mars 2019 Në ora: 16:53
SBASHK

Sindikata e Bashkuar e Arsimit, Shkencës dhe Kulturës e Kosovës ka njoftuar se nga raportet e arritura nga komunat e Kosovës, vërehet se shumica absolute e shkollave sot nuk kanë punuar .

SBASHK nëpërmejt një komunikate thotë se kryesia e tyre ka komunikuar vazhdimisht  me kryetarët e kuvendeve sindikale komunale në tërë Kosovën për t’u informuar me situatën aktuale sot në institucionet arsimore  të Kosovës.

“Nga raportet e arritura nga komunat e Kosovës vërehet se shumica absolute e shkollave të Kosovës sot nuk kanë punuar . Kjo do të thotë se ato respektojnë në tërësi  vendimin e Këshillit Drejtues që orët e humbura të grevës të mos kompensohen, por të pritet vendimi meritor i Gjykatës Themelore në Prishtinë  pasi që SBASHK ka dërguar  padi në këtë Gjykatë ndaj vendimit të MASHT lidhur me kompensimin e orëve të humbura në grevë.  Bazuar në këto raporte vërehet  se në shumicën  e komunave nuk ka punuar sot as një institucion i Arsimit Parauniversitar, por  ka raste në ndonjë komunë, aty e këtu, kur është tentuar të mbahet mësimi në ndonjë shkollë, por numri i nxënësve ka qenë tepër i vogël dhe  kjo tendencë e ndonjë drejtori a DKA-ja ka shkuar e kotë. Duke e parë këtë realitet SBASHK i drejtohet edhe një herë MASHT-it, Drejtorive Arsimore Komunale dhe edhe ndonjë drejtori tekanjoz që të lënë  presionet  dhe tendencën për të krijuar situatë se gjoja po zëvendësohen orët e humbura në grevë. Le të presin të gjithë të qetë e pa bërë presione ndaj mësimdhënësve vendimin meritor të Gjykatës dhe pastaj të gjithë do të veprojmë sipas vendimit të institucionit gjegjës të drejtësisë. SBASHK kujton drejtorët tekanjoz se në grevë ishim edhe për ta dhe arritëm të përmirësojmë edhe koeficientet e tyre. Ata mos të harrojnë se sot janë drejtor, por nuk duhet të bëhen servil sepse kohët ndryshojnë dhe ata do të jenë prapë mësimdhënës dhe çfarë do t’u thonë kolegëve të tyre . A do të kenë fytyrë që t’i shikojnë në sy? I kujtojmë edhe drejtorët e DKA-ve se jemi duke përcjellë me kujdes veprimet e tyre dhe cili do nga ta nëse e ngrit gishtin dhe zërin ndaj punëtorëve të arsimit për të bërë presion  që të kompensohen orët e humbura të grevës para vendimit merito r të Gjykatës gjegjëse do të përballen  me drejtësinë”, thuhet në komunikatë.

SBASHK iu ka drejtuar drejtorëve të DKA-ve, duke i rekomanduar që ta lexojnë ligjin e grevave, ku do të shohin se ky ligj nuk obligon pjesëmarrësit  grevës të kompensojnë apo mbajnë orët e humbura në grevë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...