Një zjarr i madh, ka përfshirë të dielën objektin e Viva Fresh Store në qendër të Gjakovës.
Lajmi është konfirmuar nga Policia e qytetit të Gjakovës, të cilët thonë se një zjarrfikës ka mbetur i lënduar
Sipas tyre, ende nuk dihen shkaqet që shkaktuan zjarrin, ndërsa njësitë relevante kanë dalë menjëherë për të intervenuar në vendin e ngjarjes.
Ata kanë evakuuar punonjësit e banorët përreth pasi që zjarri kishte përfshirë gjithë pjesët e objektit.
Ndërsa një depo është përfshirë nga flakët në Fushë Kosovë.
Këtu deri të vënia e zjarrit dyshohet se erdhi kur disa persona kanë djegur mbeturinat në afërsi të depos.
Rastin e kanë konfirmuar nga Policia e Kosovës, ku sipas tyre, përveç dëmeve materiale, nuk ka lëndime në njerëz.
E ngjashëm pasditen e së dielës, nga flakët u përfshi një shtëpi dhe një zonë malore në fshatin Majac të Podujevës.
Rastin e kanë konfirmuar Brigada e Zjarrfikësve të kësaj komune, ku përveç dëmeve materiale, nuk raportohet për të lënduar.
Ndërkohë i pari i këtij qyteti, Agim Veliu, ka apeluar të qytetarët që të jenë të kujdesshëm në ruajtjen dhe mbrojtjen e ambientit.
E tym e flakë të dielën është parë edhe në Malet e Shalës në Komunën e Lipjanit.
Në disa video të dërguara në redaksinë e T7, shihet tym i madh në afërsi të disa shtëpive.
Po ashtu, fshatrat Mushtisht, Budakovë dhe Semetishtë në Komunën e Suharekës, janë përfshirë nga zjarri.
Sipas kryetarit të kësaj komune, zjarret në këto fshatra po shkaktojnë dëme kolosale.
Pa u prekur nga zjarri, nuk mbeti as komuna e Ferizajt.
Këtu pjesët malore të fshatrave Gllavicë, Mirash dhe rreth magjistrales Ferizaj – Prishtinë, janë përfshirë nga flakët.
Përveç në Gjakovë, në 5 komunat e tjera, përveç dëmeve materiale, nuk raportohet për të lënduar.