Fshati Marmull i Gjakovës është tronditur mbrëmjen e sotme nga një vrasje që ka nddodhur pak orë më parë.
Një person ka mbetur i vdekur ndërsa një tjetër ka mbetur i plagosur.
Personi që ka mbetur i vrarë është i moshës 40 vjeçare, ndërsa i plagosuri është A.N, 56 vjeçar.
Zëdhënësja e Policisë Lirie Podriimja i ka thënë se ekipet policore janë ende në terren, dhe në kërkim të personit të dyshuar për vrasjen.
Policia ka arritur të identifikoj të dyshuarin por i njejti është ende në arrati.
“Policia është në vend të ngjarjes dhe po merret me rastin”, ka thënë zëdhënësja e Policisë në Gjakovë.
Personi i dyshuari që gjendet në arrati është A.ZH.
Ndërsa Prokuroria Themelore në Gjakovë,përmes një njoftimi ka thënë se sonte në orët e mbrëmjes, pikërisht rreth orës 18:30, në fshatin Marmull të Gjakovës, ka ndodhur një vrasje dhe një plagosje me armë zjarri.
I dyshuari A.Gj., nga i njëjti fshat ka privuar nga jeta T.B., i moshës 40 vjeç dhe ka plagosur A.N., 56 vjeçar.
Sipas deklaratës së të plagosurit, dyshohet se motivi është pronësor.
I dyshuari është në kërkim dhe ende nuk është kapur nga ana e policisë.
