Muharremaj urdhëron mbylljen e kazinove në Suharekë

Kosova

Muharremaj urdhëron mbylljen e kazinove në Suharekë

Më: 18 mars 2019 Në ora: 09:35
Bali Muharremaj

Një person ka mbetur i vrarë në vendin e tij të punës, në një kazino në Suharekë.

Sot kryetari i kësaj komune, Bali Muharremaj, ka urdhëruar mbylljen e të gjitha këtyre lokaleve.

Nëpërmjet një postimi në Facebook, Muharremaj, ka kërkuar nga institucionet përkatëse që të marrin veprimet e nevojshme ligjore.

Ky është postimi i plotë i Muharremjat:

Kërkoj mbylljen e KAZINOVE në Komunën e Suharekës

Sot kam dhënë urdhër për Drejtorinë e Inspekcionit dhe poashtu kam kërkuar mbështetjen e Policisë në Suharekë, për një operacion verifikimi në të gjitha këto objekte, ku zhvillohen lojërat e fatit.

Në emër të qytetarëve te Komunës së Suharekës, kërkoj nga institucionet përkatëse që të marrin të gjitha veprimet e nevojshme ligjore, për mbylljen e kazinove në Komunën e Suharekës.

Si Kryetar i Komunës së Suharekës do të jem afër qytetarëve, që për aq sa më mundëson ligji që të jem në mbrojtjen e interesave tuaja.

commentFirst article
Sot mund të lexoni Shfletoni kopertinat