Zëvendëskryeministri i Kosovës, Fatmir Limaj, ka dënuar sulmin ndaj deputetit të Kuvendit të Kosovës, Sllobodan Petroviq.
Limaj përmes një postimi në ‘Facebook’, ka shprehur shqetësimin e tij duke dënuar sulmin fizik ndaj deputetit Petroviq.
“Liria e të menduarit dhe vepruarit ndryshe është e garantuar dhe askush nuk ka të drejtë ta cenojë atë”, ka shkruar Limaj.
Ai i ka bërë thirrje organeve të hetuesisë që të zbardhin këtë rast dhe sulmuesit të marrin dënimin e merituar.