Sylë Tahirsylaj paralajmëron se do të ketë erëra të forta në dy qytete të Kosovës

Kosova

Sylë Tahirsylaj paralajmëron se do të ketë erëra të forta në dy qytete të Kosovës

Më: 23 mars 2019 Në ora: 17:14
Foto ilustrim

Ditët e para të stinës së pranverës kanë filluar me temperatura të larta, por ditëve në vijim nuk do të jenë të tilla. Eksperti i meteorologjisë, Sylë Tahirsylaj, ka treguar se çfarë moti do të mbretërojë ditëve në vijim

Tahirsylaj ka theksuar se në vend do të ketë erëra të forta, ndërkaq vendet të cilat pritet të shkaktojë dëme kjo erë janë qyteti i Pejës dhe Istogut.

“Do të ketë erë që do të shkojë deri në 16 metër për sekondë, e cila në disa komuna si ajo e Istogut dhe Pejës, mund të ketë edhe dëme në infrastrukturë. Është një mot jo në përputhmëri me ecuritë sinoptike të stinës së pranverës”, ka theksuar Tahirsylaj.

Tahirsylaj ka treguar po ashtu se nga e hëna do të ketë ndryshim të motit, ku priten edhe reshje shiu dhe bore.

“Nga dita e hënë kemi prishje të kushteve të motit, do të ketë rënie rapide për shkak të fushës së dobët barike apo shtypjes atmosferike. Do të ketë reshje bore dhe shiu. Reshjet e borës do të jenë të paqëndrueshme dhe kalohen. Por efekti pozitiv i këtyre reshjeve është plotësimi i kushteve hidrike të tokës. Kjo mundëson zhvillimin e bimësisë dhe përgatitjen për sezonin pranveror”, ka thënë Tahirsylaj.

commentFirst article
Sot mund të lexoni Shfletoni kopertinat