Vdekja aksidentale e kalorësit në Dragash, flasin dëshmitarët - Bota Sot
Vdekja aksidentale e kalorësit në Dragash, flasin dëshmitarët

Kosova

Vdekja aksidentale e kalorësit në Dragash, flasin dëshmitarët

Më: 23 mars 2019 Në ora: 20:59
Muhamer Mustafa

Në Dragash ka vdekur aksidentalisht 24 vjeçari Muhamer Mustafa që njihej edhe si kalorësi i shpejt i Brodosanës. Se si ndodhi rasti tragjik tregojnë dëshmitarët.

Kalërimin e kishte pasion dhe këtë Muhamer Mustafa e kishte shprehur qysh moti. Por dita e premte ishte fatale për të teksa ishte me kali.

Dëshmitarët kanë versione të ndryshme për rastin.

Muhameri ishte së bashku me Durim Salihun i cili rrëfeu ngjarjen.

Sipas Durimit gjithçka kishte ndodhur kur ata kishin ndaluar kuajt.

E Muhameri më pas ishte rrëzuar nga kali.

Ushtrimet ai po i bënte për të marrë pjesë në garën tradicionale që mbahet më 16 qershor në ditën e çlirimit të Dragashit e që organizohet nga Behar Salihu, bashkëfshatar i të ndjerit.

24 vjeçari kishte pak ditë që ishte kthyer nga Mali i Zi, pasi atje punonte në ndërtimtari.

Lajmin e kobshëm familja e tij e kishte marrë tek pasi ai kishte ndërruar jetë.

Vdekjen e Muhamerit e përjetuan rëndë të gjithë në fshatin Brodosanë të cilët morën pjesë dhe në varrimin e tij të shtunën.

Ndërkohë kryeprokurori i Prizrenit Avni Shala tha se rasti është cilësuar si aksident dhe se nuk ka asgjë të dyshimtë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...