Një 74 vjeçar ka ndërruar jetë në njërin nga motelet e Gjilanit. Ai ndërroi jetë pasi shijoi seksin me një vajzë 52 vjet më të re. E gjithë ngjarja ka ndodhur të premten që e lamë pas.
Burri nga Kabashi i Vitisë me inicialet A.H. që dyshohet se përdori stimulues u alivanos në parkingun e objektit që ndodhet midis banesave e më pas ndërroi jetë. Policia u njoftua nga 22 vjeçarja për rastin.
Familjarët e të ndjerit thanë se ende nuk i dijnë rrethanat e sakta të vdekjes së tij por presin rezultatet e autopsisë.
Për këtë rast, gjatë ditës së djeshme ka raportuar edhe policia e Kosovës.
“Raportohet se viktima mashkull K/Shqiptar ishte alivanosur. Në vendin ngjarjes kanë dalë njësitë policore dhe ekipi mjekësor i cili e ka konstatuar se viktima kishte qenë pa shenja jete”, kanë deklaruar edhe nga Policia e Kosovës,
Ndërkohë, në vendin e ngjarjes ka dalë edhe prokurori me urdhrin e të cilit trupi i pajetë i viktimës dërgohet në IML për obduksion. Rasti është duke u hetuar.