Zëvendëskryeministri i Kosovës, Enver Hoxhaj, është takuar sot me Drejtorin e Përgjithshëm për Bashkëpunim dhe Koordinim Statistikor të EUROSTAT-it, Eduardo Barredo Capelot.
Ata kanë diskutuar në lidhje me përgatitjet për regjistrimin e dytë të popullsisë më 2021.
Hoxhaj tha se Capelotin e ka informuar për punën që është bërë në këtë aspekt.
“E informova në lidhje me punën që kemi bërë deri më tash në drejtim të përgatitjes sa më të mirë rë procesit, si dhe e falënderova për mbështetjen e vazhdueshme dhe bashkëpunimin me Kosovën përmes Agjensisë së Statistikave”, ka shkruar Hoxhaj në Facebook.
