Puna në Qendrat e Hemodializës në Spitalet e Përgjithshme po kryhet me kapacitete të plota.
Drejtori i përgjithshëm i SHSKUK, Basri Sejdiu, së bashku me koordinatoren për hemodializë, Hajrije Korça dhe drejtoreshën e Klinikës së Nefrologjisë, Venera Gjuka -Hasanxhekaj, vizituan qendrat e dializës në Gjilan, Ferizaj dhe Pejë, për t’u siguruar për mbarëvajtjen e punës, furnizimin dhe problemet eventuale.
Në bisedë me mjekë dhe teknikët përgjegjës për hemodializë dhe me pacientë, Sejdiu u informua për trajtim profesional dhe furnizim adekuat, dhe se po ashtu kishte kënaqshmëri të lartë të pacientëve me trajtimin nga ana e mjekëve.