Mbahet takimi koordinues i KPK-së me donatorë për një varg projektesh - Bota Sot
Mbahet takimi koordinues i KPK-së me donatorë për një varg projektesh

Kosova

Mbahet takimi koordinues i KPK-së me donatorë për një varg projektesh

Më: 4 prill 2019 Në ora: 19:48
Foto ilustruese

Fillimisht, Kryesuesi i Këshillit Prokurorial, Bahri Hyseni, ka njoftuar përfaqësuesit e partnerëve ndërkombëtarë për zhvillimet kryesore në sistemin prokurorial, duke u fokusuar kryesisht në objektivat strategjike, që dalin nga Plani Strategjik për vitet 2019-2021 dhe planet vjetore të punës, me ç’rast ka theksuar nevojën e mbështetjes së mëtejshme nga ana e donatorëve, ashtu siç është vepruar deri më tani. “Përfitimi nga përvojat, ekspertiza dhe mbështetja juaj është e pazëvendësueshme, sepse kemi pasur ndikime tejet pozitive në dinamikën e punës së Këshillit dhe institucionit të Prokurorit të Shtetit”, ka thënë Hyseni.

Nga ana tjetër, përfaqësuesit e donatorëve vlerësuan lart iniciativën e KPK-së për koordinimin e donatorëve, si dhe kanë diskutuar për projektet që kanë realizuar dhe janë në realizim e sipër, duke shprehur gatishmërinë e tyre që edhe në të ardhmen të vazhdojnë mbështetjen përmes projekteve të ndryshme.

Në vijim të këtij takimi, Drejtori i Sekretariatit të KPK-së, Lavdim Krasniqi, ka prezantuar propozimprojektet, në të cilat janë përcaktuar objektivat specifike, rezultatet e pritshme, aktivitetet që duhet të ndërmerren dhe përftimet që do të ketë sistemi prokurorial nga zbatimi i tyre.

Këshilli Prokurorial i Kosovës dhe Prokurori i Shtetit synojnë që me anë të realizimit të mbështetjes së donatorëve të fuqizojnë kriteret, vlerat dhe standardet më të larta të punës, kurse projektet e propozuara për mbështetje kanë të bëjnë me sistemin e digjitalizimit të procesit të punës, regjistrimin e lëndëve të vjetra në punë, infrastrukturën, ngritjen e besimit publik në sistemin prokurorial, ngritjen e kapaciteteve të komisioneve të Këshillit dhe stafit, menaxhimin e dosjeve personale të prokurorëve, avancimin e infrastrukturës fizike, sistemit të sigurisë dhe teknologjisë informative.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...