Kryetari i Shoqatës së lojërave të fatit në Kosovë, Istref Veliu, ka konfirmuar se organizata që ai drejton do ta çojë Qeverinë e Kosovës në Gjykatën Ndërkombëtare të Arbitrazhit, pas miratimit të ligjit për ndalimin e lojërave të fatit për 10 vjet në vend.
Veliu ka thënë në emisionin “DPT Te Fidani” se bizneset e lojërave të fatit janë akuzuar padrejtësisht, pas dy vrasjeve në dy kazino të vendit, në Lipjan dhe në Suharekë.
“Nuk është e vërtetë se lojërat e fatit janë vend i krimit”, ka deklaruar ai.
“Sipas statistikave, më së paku ka krime në lokalet e lojërave të fatit”, është shprehur Veliu.
“Jemi paragjykuar”, ka shtuar ai, teksa ka theksuar se bizneset e lojërave të fatit kanë punonjës sigurimi dhe respektojnë ligjin.
