Kryeministri Ramush Haradinaj ka uruar sot komunitetin romë në Kosovë për nderë të ditës ndërkombëtare të tyre.
Përmes një statusi në Facebook, Haradinaj ka thënë se komuniteti rom është vlerë e shtuar dhe pjesë e pandarë e shoqërisë sonë.
“Më 8 prill në tërë botën kremtohet kultura, identiteti dhe historia e romëve. Komuniteti rom është vlerë e shtuar dhe pjesë e pandarë e shoqërisë sonë. Kosova synon të rrisë ndërgjegjësimin mbi sfidat me të cilat përballet ky komunitetet, dhe përkushtimin për të krijuar klimën sociale, politike dhe ligjore, ku të drejtat dhe kultura e romëve respektohen plotësisht e në çdo kohë. Qytetarëve të komuniteti rom dhe përfaqësuesve të tyre në institucionet e vendit, urime Dita Ndërkombëtare e Romëve!”, shkruan Haradinaj.