Samadraxha, fshati që po braktiset nga të rinjtë - Bota Sot
Samadraxha, fshati që po braktiset nga të rinjtë

Kosova

Samadraxha, fshati që po braktiset nga të rinjtë

Më: 15 prill 2019 Në ora: 00:38
Samadraxha

Lufta ka dy dekada që ka përfunduar, por ajo e përditshmërisë për një punë e jetë më të mirë, ende vazhdon të jetë prezente.

Të rinjtë e vendit, nëse dikur dilnin në shtetet perëndimore në mënyrë ilegale, tani me tregun më të bollshëm të punës në vendet perëndimore,  po migrojnë me dokumente. Ky largim ka nisur të japë efektet në terren.

Në rastin konkret, në Samadraxhë, në këtë fshat të madh të Suharekës, kjo vërehet duke nisur nga shkolla e cila çdo vit ka më pak nxënës, e të rinjtë nuk duan të krijojnë familje në vendlindjen e tyre, raporton RTK.

Sa për ilustrim, vetëm këtë vit shkollor, me familjet e tyre u larguan  150 nxënës të shkollës së këtij fshati, ndërsa sipas banorëve, Samadraxhën e braktisën rreth 1 mijë e 500 banorë.

Samadraxha e komunës së Suharekës , është fshati që dikur krenohej me bukurinë dhe raportet e shkëlqyera në mes të banorëve.

Kryesisht ishte e fokusuar në vreshtari, pa lënë anash edhe prodhimin e perimeve.

Por asnjëra nga këto nuk është më prioritet në këtë fshat.

Krahu i punës ia ka kthyer shpinën atij e rrugët që dikur ishin plot me të rinj e fëmijë janë zbrazur.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...