Roli i Caritas Kosova në komponentën sociale në shërbim të komunitetit është i jashtëzakonshëm, veçmas në aspektin e kujdesit shëndetësor.
Kështu thotë kryeministri i vendit Ramush Haradinaj, pas një takimi që ka zhvilluar me përfaqësuesit e kësaj organizate humanitare, si pjesë e Caritas-it evropian, prirë nga Don Viktor Sopi.
Sipas Haradinajt, projektet e tyre forcojnë shërbimet e komunave, ndërsa ka shprehur gaishmërinë për mbështetjen e programeve të Caritas, veçmas në ofrimin e shërbimeve mjekësore në shtëpi.
“Qeveria do të vazhdojë mbështetjen e programeve të përbashkëta të Caritas me komunat e Kosovës, që përfshijnë ofrimin e shërbimeve mjekësore në shtëpi dhe punësimin e qindra mjekëve praktikatë e punëtorëve tjerë shëndetësor”, thekson Haradinaj.
