Drejtuesi i Demorkacia në Veprim Ismet Kryeziu, ka reaguar pas miratimit të Ligjit për OJQ-të sot në Kuvendin e Kosovës.
Ai ka thënë se deputetët me votën e tyre pro, kanë ndaluar mundësinë e keqpërdorimit të parasë publike në vlerë prej 160 milionë eurosh.
Ai ka falënderuar deputetët që vendosën t’i dëgjojnë argumentet dhe rekomandimet e shoqërisë civile.
Postimi i Kryeziut:
66 Pro 0 kundër
Pas një beteje të gjatë për përmbajtjen e Ligjit për OJQ-të, Deputetët e Kuvendit të Kosovës miratojnë ligjin për OJQ-të, me rekomandimet e shoqërisë civile.
Të nderuar deputetë me votën tuaj PRO, keni ndaluar mundësinë e keqpërdorimit të parasë publike në vlerë prej 160 milion euro, e në mundësi që ky keqpërdorim të rritet në vlera në vazhdimësi.
Faleminderit të gjithë juve, për kohen dhe angazhimin me i dëgjuar argumentet tona edhe me vendos votën tuaj në favor të rekomandimeve të shoqërisë civile dhe ndaljës së keqpërdorimit në sektorin joqeveritar.
#kerkollogari