Ministri i Arsimit, Shkencës dhe Teknologjisë, Shyqiri Bytyqi, ka marrë pjesë në shënimin e ditës së Shkollës Fillore dhe të Mesme të Ulët “Mehdi e Sylejman Bytyqi”, në vendlindjen e tij, përcjell “Bota sot”.
Bytyqi përmes një postimi në Facebook, ka shkruar se, kjo festë është më e rëndësishme se sa vetëm një ditë e shkollës, kjo pasi që emrat e dy dëshmorëve e madhështojnë këtë shkollë, Mehdi dhe Sylejman Bytyqi ranë për lirinë që ne sot e gëzojmë.
Postimi i plotë:
Sot, me shumë kënaqësi mora pjesë në shënimin e Ditës së Shkollës Fillore dhe të Mesme të Ulët “Mehdi e Sylejman Bytyqi” në vendlindjen time, në Arllat të Drenasit, ku dhe përuruam fushën e sporteve, që është një investim i Ministrisë së Arsimit.
Duke vlerësuar lartë kontributin e dy dëshmorëve të këtij fshati, emrin e të cilëve e mbanë shkolla, Mehdi dhe Sylejman Bytyqi që bartnin në vete vlera njerëzore, të cilat do të mbesin përherë në kujtesën e atyre që patën fatin t’i njohin.
Kjo festë është më e rëndësishme se sa vetëm një ditë e shkollës, kjo pasi që emrat e dy dëshmorëve e madhështojnë këtë shkollë. Mehdi dhe Sylejman Bytyqi ranë për lirinë që ne sot e gëzojmë.
Urova mësimdhënësit dhe nxënësit për këtë ditë feste dhe i ftova që së bashku të përkushtohen maksimalisht, në mënyrë që të kontribuojnë në realizimin e synimeve për arsim më të mirë.
MAShT do të angazhohet që pas këtij investimi të marrë përsipër edhe pajisjen e shkollës me inventarë të ri.
Sot gjatë ditës, kam vendosur lule te busti i dy dëshmorëve, Mehdi dhe Sylejman Bytyqi, si dhe te varrezat e tyre në Kleçkë.
