Familjarët e të arrestuarave thonë se ata kanë rënë pre e mashtrueseve.
Rrallë herë e vizitonte këtë xhami Agon Misini nga fshati Skifetarj i Vitisë.
Kjo dëshmon se ai nuk ishte shumë i dhënë pas fesë, por Misini në emër të luftë së shenjtë, dyshohet se para dy vitesh kishte udhëtuar në Siri për këtë qëllim.
E me tu kthyer nga Lindja e Mesme, Misini me urdhër të Prokurorisë Speciale u arrestua nga Policia pasi dyshohet se kishte luftuar përkrah organizatës terroriste, ISIS.
Mixha i Agonit, Mubarek Misini, tha për T7 se nipi i tij ka rënë pre e mashtrueseve.
Sipas tij, Agoni ka qenë moti i interesuar për t’u rikthyer në Kosovë, pasi i kishte rënë pishman.
Xhaxhai i Agonit po ashtu tregoi se ky i fundit i ka edhe dy fëmijë të cilët tani gjenden në kampin e Vranidollit në Prishtinë.
Përveç xhaxhait fjalë të mira për Agon Misnin kanë edhe bashkëfshatarët e tij.
T7 ka qëndruar edhe në fshatin Cërnillë të Ferizajt ku kishte jetuar për më shumë se 20 vite i arrestuari tjetër nga organet e rendit Visar Qukovci cili bashkë me gruan dhe dy fëmijë është kthyer nga Siria.
Vëllai i tij, Gazmend Qukovci, tha se Visari kishte tentuar shpesh të kthehet nga vatrat e krizës.
Në fshat askush nuk deshi të flasë para kamerës ndonjë fjalë për Visarin.
Por jo të gjithë familjarët e të kthyerve nga Siria ishin mikpritës
Faik Uksmajli është nga Jezerci i Ferizajt, të cilit i është vrarë një djalë atje, dhe i janë kthyer fëmijët e djalit dhe reja. Atij i pengoi prezenca e gazetarëve.