Drejtoria për Arsim dhe Edukim (DAE) në Komunën e Malishevës, i njofton të gjithë prindërit e nxënësve të Gjimnazit “Hamdi Berisha” në Malishevë, se i ashtuquajturi “ekskursion” në Gërmi-Prishtinë, i paralajmëruar për nesër, më 1 maj 2019, nuk e ka pëlqimin e DAE-së dhe as të Drejtorisë së Gjimnazit “Hamdi Berisha”. Prandaj, luten prindërit që të mos i lejojnë fëmijët e tyre të shkojnë në atë organizim, pasi DAE dhe drejtoria e gjimnazit, nuk marrin asnjë përgjegjësi rreth atij “ekskursioni”.
Gjithashtu ju njoftojmë se Inspektorati komunal dhe Policia e Kosovës, do të veprojnë në bazë të përgjegjësive dhe kompetencave, për ndalimin e ekskursioneve të tilla.