Në Malishevë vazhdon zbatimi i masave parandaluese ndaj rriqrave

Kosova

Në Malishevë vazhdon zbatimi i masave parandaluese ndaj rriqrave

Më: 6 maj 2019 Në ora: 11:12
Foto

Nën drejtimin e Kryetarit të Komunës së Malishevës, Ragip Begaj, është mbajtur mbledhja e rregullt e Këshillit të Drejtorëve, ku drejtorët e drejtorive komunale, kanë raportuar për punën dhe aktivitetet e tyre gjatë javës së kaluar dhe për planifikimet për javën në vijim.

Duke u bazuar në raportimet e drejtorive, gjatë kësaj jave pritet të përfundojnë disa planifikime për këtë periudhë, ndërsa sa i përket buxhetit, sipas drejtorisë për buxhet dhe financa, në katër mujorin e parë të këtij viti, janë realizuar rreth 300 mijë euro të hyra vetanake dhe duke u bazuar në këtë trend, deri në fund të vitit, pritet të  realizohet planifikimi i grumbullimit të të hyrave vetanake, njofton zyra për informim e Komunës së Malishevës.

Po ashtu, së shpejti pritet të fillojnë të realizohen edhe disa nga projektet kapitale, të planifikuara për këtë vit.

Drejtoria e Kulturës, ka bërë të ditur se janë në përfundim të përgatitjeve për shënimin e manifestimit me rastin e 70 vjetorit  të rënies së Rifat Berishës, manifestim i cili do të mbahet në Berishë.

Sa i përket situatës me ethet hemorragjike krime kongo, u bë e ditur se janë duke u zhvilluar aktivitetet e planifikuara të masave parandaluese, si dhe janë duke u ofruar shërbimet e nevojshme shëndetësore për rastet e thumbimeve.

commentFirst article
Sot mund të lexoni Shfletoni kopertinat