Banorët e fshatit Shajkoc të Podujevës kanë marrë një iniciativë që t’i ndihmojnë familjet në nevojë për muajin e Ramazanit. Aata me mëngjes kanë vendosur qese me ushqim nëpër rrethojat e Xhamisë së fshatit për nevojtarët.
Profesori Patriot Rudari, i cili vjen nga ky fshat ka thënë se këtë veprim po e bëjnë që t’i ndihmojnë familjet nevojtare dhe se këtë punë humanitare po e bëjnë në bashkëpunim me familjet e fshatit.
“Për nder të muajit të Shenjtë të Ramazanit, për ata që vërtet kanë nevojë për gjëra ushqimore, këtë herë po e ndryshojmë metodën e dhurimit. Kështu, ne do të vëmë qese me gjëra ushqimore në rrethojën e xhamisë së fshatit Shajkoc, qese këto në të cilat do të ketë artikuj të ndryshëm ushqimor që do t’i marrin familjarët e fshatrarve të tjera që vërtet kanë nevojë. Këtë punë humanitare po e bëjmë bashkë me familjet e fshatit tonë-Shajkoc”, ka shkruar Rudari.
Ndryshe, Rudari edhe më herët ka zhvilluar aksione të tilla. Ai për tre muaj rresht kishte shpërndarë molla falas për nevojtarët.
