Krasniqi nga KDI: Në të gjitha komunat ka pasur votim me dokumenta të Serbisë

Kosova

Krasniqi nga KDI: Në të gjitha komunat ka pasur votim me dokumenta të Serbisë

Më: 19 maj 2019 Në ora: 17:08
Pamje nga vendi i ngjarjes

Në zgjedhjet e jashtëzakonshme në katër komunat veriore të Kosovës, një nga parregullsitë e procesit zgjedhor është edhe votimi me dokumente të Serbisë. Kjo është konfirmuar edhe nga ana e kryetares së Komisionit Qendror të Zgjedhjeve, Valdete Daka.

Një gjë të tillë për KosovaPress e thotë edhe Jeta Krasniqi nga Instituti Demokratik i Kosovës. Sipas saj, një fenomen i tillë është vërejtur në katër komunat pa dallim.

“E pranoi se ne të gjitha komunat është vërejtur që ka pasur votim të qytetarëve me dokumenta të Serbisë. Në mëngjes ky fenomen ka qenë më i theksuar dhe janë lejuar por më vonë një gjë e tillë është ndërprerë. Ka pasur mos qartësi edhe në mesin e vetë komisionarëve deri në ora 12:00 rreth kësaj çështjeje prandaj disa kanë lejuar dhe disa jo”, thotë ajo.

Megjithatë, ajo nuk ka përmendur shifra sa të tillë kanë votuar.

Në zgjedhjet e jashtëzakonshme për kryetarë në komunat Leposaviq, Zubin Potok, Zveçan dhe Mitrovicë e Veriut, janë 44 qendra të votimit me gjithsej 87 vendvotime. Kurse, numri i qytetarëve me të drejtë vote në këto katër komuna është 57 mijë e 983 votues apo 970 votues më shumë në krahasim me zgjedhjet lokale të 22 tetorit 2017. 

commentFirst article
Sot mund të lexoni Shfletoni kopertinat