Një shembull i mirë është regjistruar në qytetin e Skenderaj.
Gazeta “Bota sot”, mëson se udhëheqësi i Shërbimeve Publike të Komunës së Skenderajt, Naim Geci, së bashku me praktikantin Valdet Hoxha, gjatë inspektimit të rrugëve dhe gropave, në rrugë “Ali Gashi” hasën në një kulet, të cilën arritën të gjejnë pronarin e saj.
Pasi kuptuan se kuleta ishte pronë e një personi nga fshati Tushilë, kuletën së bashku me dokumente dhe të holla e dërguan në punëtorinë e pronarit.
Ajo ju dorëzua vëllait të tij, në prani të një punëtori tjetër.
“Ju jemi mirënjohës që kemi ende njerëz të mirë si ju”, është shprehur vëllai i pronarit të kuletës.
Rastet e tilla janë të rralla, mirëpo për fat të mirë, kur gjërat e humbura gjenden nga personat e tillë, që e kanë shpirtin human, normal që ato kthehen tek pronari.
