Policia e Kosovës është duke hetuar rastin e sulmit të ndodhur ndaj një femre në Lipjan - Bota Sot
Policia e Kosovës është duke hetuar rastin e sulmit të ndodhur ndaj një femre në Lipjan

Kosova

Policia e Kosovës është duke hetuar rastin e sulmit të ndodhur ndaj një femre në Lipjan

Më: 30 maj 2019 Në ora: 14:02
Femra e sulmuar ne Lipjan

Me datën 29/05/2019 rreth orës 17:20, Policia e Kosovës ka pranuar një informacion se në sheshin ''Adem Jashari'' të Lipjanit nga disa të rinj (të mitur) po sulmohet një femër.

Njësiti patrullues menjëherë ka ndërmarrë veprimet policore në terren për të parandaluar rastin e sulmit dhe me të arritur në vendin e ngjarjes ka takuar viktimën e cila dyshohet se ka qenë cak i sulmit nga disa persona të moshës së mitur.

Zyrtarët policorë kanë ndërmarrë të gjitha veprimet e nevojshme policore lidhur me rastin, duke përfshirë identifikimin e viktimës f/rome/kosovare, viti i lindjes (1990) nga Podujeva, e cila nuk komunikonte në gjuhën shqipe.

Policia e Kosovës në lidhje me këtë rast ka kontaktuar prokurorin kujdestar, me urdhër të të cilit është iniciuar rasti ‘sulm’, për të cilin janë duke vazhduar hetimet intensive, drejt zbardhjes së rastit dhe arrestimit të personit/ave të dyshuar.

Bazuar në hetimet e deritanishme, dyshohet se viktima është sulmuar nga personi/at e dyshuar, pasi që e njëjta (viktima) ka qenë e publikuar dhe e komentuar në forma të ndryshme në rrjetet sociale dhe media, kinse si person i dyshuar për vjedhje apo grabitje të mundshme të fëmijëve.

Lidhur me personin në fjalë Policia e Kosovës e ka bërë publike lajmin edhe dje (29.05.2019), se personi i apostrofuar në media është ndaluar dhe verifikuar disa herë dhe ka sqaruar se e njëjta nuk është e përfshirë në asnjë rast të kësaj natyre, nuk paraqet rrezik për askënd dhe se nuk ka pasur asnjë viktimë të raportimit të ndonjë rasti të tillë ndaj saj.

Andaj, Policia e Kosovës njofton të gjithë qytetarët dhe mediat se është duke e trajtuar këtë rast lidhur me personin në fjalë, për të cilin janë duke u ndërmarrë të gjitha veprimet e nevojshme policore konform autorizimeve ligjore, me qëllim të parandalimit të incidenteve të tilla dhe krijimit të lirisë së lëvizjes së lirë për të gjithë qytetarët pa dallime.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...