Ambasadori Kosnett viziton Vushtrrinë

Kosova

Ambasadori Kosnett viziton Vushtrrinë

Më: 6 qershor 2019 Në ora: 09:14
Philip Kosnett

Ambasadori i SHBA-ve në vendin tonë, Philip Kosnett, sot do të qëndrojë në Vushtrri. Ai do të marrë pjesë në përurimin e zyrës së rinovuar komunale të prokurimit publik në këtë komunë.

USAID-i, përmes programit të tij Komunat Transparente, Efikase dhe Llogaridhënëse, ka avancuar pajisjet në zyrën e prokurimit publik në kuadër të Komunës së Vushtrrisë.

Avancimet në fjalë u mundësojnë qytetarëve dhe palëve të interesuara të përcjellin seancat e hapjes së ofertave në kohë reale, përmes monitorëve të vendosur brenda ndërtesës së Komunës.

Mbështetja e USAID-it ka për qëllim përmirësimin e transparencës dhe llogaridhënies së proceseve të prokurimit publik në nivelin komunal, në të gjitha 38 komunat e Kosovës.

commentFirst article
Sot mund të lexoni Shfletoni kopertinat