Parashikimi i motit: Deri më 4 korrik mot i ngjashëm, pastaj vjen i nxehti afrikan

Kosova

Parashikimi i motit: Deri më 4 korrik mot i ngjashëm, pastaj vjen i nxehti afrikan

Më: 26 qershor 2019 Në ora: 00:10
Foto ilustrim

Fushat me presion të lartë atmosferik që kanë përfshirë Gadishullin e Ballkanit do të jenë të qëndrueshme gjatë këtyre dy ditëve, duke krijuar kushte për mot me diell dhe re të shpërndara, thotë Instituti Hidrometeorologjik i Kosovës.

Temperaturat minimale parashihen të lëvizin ndërmjet 15-17 gradë Celsius, ndërsa maksimalet e ditës do të lëvizin ndërmjet 29-33 gradë Celsius.

Pjesa jugore e kontinentit dhe jugperëndimore do të mbetet nën ndikimin e masave të fuqishme të ajrit afrikan, të cilat do të ndikojnë që merkuri në termometër të regjistrojë vlera mbi 40 gradë Celsius.

Kjo situatë termike do të zgjasë 4-6 ditë. Te ne temperaturat do të rriten pas 3-4 korrikut.

Sa i përket fushave barike, ato janë dhe do të mbeten të larta, për disa milibar mbi vlerat e normales.

Indeksi UV edhe më tej mbetet shumë i lartë, prandaj preferohet respektimi i këshillave të alarmuara nga Instituti Kombëtar i Shëndetit Publik.

Do të fryjë erë nga drejtimi i verilindjes e lehtë deri mesatare.

commentFirst article
Sot mund të lexoni Shfletoni kopertinat