Inspektoriati i Punës i Kosovës ka vizituar Letoninë, konkretisht Shoqatën e Ndërtimtarëve atje.
Këtë e ka bërë të ditur drejtuesi i Inspektoriatit të Punës në kuadër të Ministrisë së Punës dhe Mirëqenies Sociale, Valon Leci.
Leci është shprehur se atje kanë përfituar shumë ide për mbrojtjen e të drejtave të punëtorëve dhe të punëdhënësve në sektorin e ndërtimtarisë.
“Edhe në Letoni sikurse në Kosovë, ndërtimtaria ishte sektori me më së shumti informalitet”, ka shkruar Leci.
Më poshtë mund ta lexoni postimin e plotë të tij:
Si drejtues i Inspektoratit të Punës, së bashku me kolegët që hartojnë politikat dhe legjislacionin nga Ministria e Punës dhe Mirëqenies Sociale si dhe me përfaqësuesin e Administratës Tatimore të Kosovës, vizituam Shoqatën e Ndërtimtarëve të Letonisë si njëra ndër shoqatat më të mëdha në vend. Aty përfituam shumë ide me vlerë se si të mbrohen të drejtat e punëtorëve por edhe punëdhënësve në këtë sektor, duke filluar që nga kontrata e punës, paga, kontributet tjera e deri te mbrojtja e shëndetit dhe jetës së punëtorëve.
Edhe në Letoni sikurse në Kosovë, ndërtimtaria ishte sektori me më së shumti informalitet.
Inspektorati i Punës me pëkrahjen e plotë të MPMS, së bashku me partnerët social, shoqatat dhe të gjitha palët e interesuara do të jetë në funksion të avansimit të Sigurisë dhe Shëndetit në Punë dhe të drejtave nga marrëdhënia e punës në përgjithësi!.