Njoftohen të gjithë qytetarët, të cilët kryejnë vizitat shëndetësore në Qendrën e Mjekësisë Familjare në Kijevë, se kjo QMF do të jetë e mbyllur nga data 23 korrik 2019, për 45 ditë pune, për shkak të punimeve që do të kryhen për meremetimin e objektit.
Këtë njoftim e ka bërë të ditur, drejtori i Drejtorisë për Shëndetësi dhe Mirëqenie Sociale Liridon Hoti, sipas të cilit, në objektin e QMF-së, do të investohen 22 800 euro, nga organizata zvicerane, AQH, e cila në vazhdimësi ndihmon shëndetësinë në Malishevë.
Luten të gjithë ata që kanë nevojë për shërbime shëndetësore, të vizitohen në Qendrat më të afërta Mjekësore.